ថ្ងៃទី៣០ខែធ្នូឆ្នាំ២០២៤
(ខេត្តក្រចេះ)÷ឈ្មួញឈើល្បីខាងដឹក
ជញ្ជូនអនុផលព្រៃឈើឈ្មោះ បុលជា
មេឈ្មួញឈើដ៏ សកម្មព្រម ទាំងបក្ខពួកដឹកជញ្ជូន ឈើចេញពី តំបន់ព្រៃ សំបូរ ស្រុកអូរគ្រៀង សែនជ័យ
ខេត្ត ក្រចេះ យកទៅលក់នៅទីផ្សារ
ក្នុងឃុំកណ្តោលជ្រុំ ស្រុកពញាក្រែក ខេត្តត្បូងឃ្មុំ។
ឈ្មួញឈើសម្រុកដឹកជញ្ជួនតាមរថយន្តសាំយុងកែឆ្នៃ យកទៅលក់នៅ
ឃុំកណ្តោលជ្រុំ ស្រុកពញាក្រែក
រីឯ លោកញ៉ែម វិសាល នាយកដែន
ជម្រកសត្វព្រៃសំបូរ និង សមត្ថកិច្ចឈរ ជើងតាមដងផ្លូវមន្ត្រីពាក់ព័ន្ធក្នុង ស្រុក អូរគ្រៀងសែនជ័យ
ខេត្តក្រចេះមិនមានចាត់ វិធានការ
បង្ក្រាបឈ្មួញឈ្មោះបុលនិងបក្ខពួកនោះឡើយបុគ្គលទាំងនេះដឹកជញ្ជូនអនុផលព្រៃឈើជាយូឆ្នាំមកហើយតាមរយៈរថយន្តសាំយុងកែឆ្នៃ យកទៅលក់នៅក្នុងឃុំកណ្តោលជ្រុំ ស្រុក
ពញាក្រែក ខេត្តត្បូងឃ្មុំយ៉ាងរលូន។
រីឯលោក សាក់ សារ៉ាងមេបញ្ជាការកងរាជអាវុធហត្ថខេត្តក្រចេះ មិនចាត់វិធានការបង្ក្រាបនោះទេ។
មន្ត្រីអង្គការក្រៅរដ្ឋាភិបាលដែលឃ្លាំមើលបទល្មើសព្រៃឈើក្នុងខេត្ត
ក្រចេះបានលើកឡើងថា សមត្ថកិច្ច
និងជំនាញរដ្ឋបាល ព្រៃឈើ នៅស្រុក
អូរគ្រៀងសែនជ័យនិងមូលដ្ឋានកងរាជអាវុធហត្ថស្រុកអូរគ្រៀងសែនជ័យគ្មានឆន្ទៈ ក្នុង ការបង្ក្រាប បទ ល្មើសព្រៃឈើនោះទេ។
ដូច្នេះហើយទើបឈ្មួញឈ្មោះបុល
និងបក្ខពួកនៅតែ ធ្វើសកម្មភាព ដឹកជញ្ជូន ឈើយកលក់យ៉ាងសេរី។
ប្រភពពីប្រជាពលរដ្ឋបានឲ្យ ដឹងថា
ឈើដឹកចេញពីតំបន់សត្វព្រៃសំបូរ
ស្រុកអូរគ្រៀងសែនជ័យដែលមានឡាន សាំយុងតែឆ្នៃដឹកឈើប្រភេទលេខ១ឈើគ្រឿងផ្ទះ សម្រុកដឹកជញ្ជួនយក ទៅលក់ នៅក្នុងឃុំកណ្តោ
លជ្រុំ ស្រុកពញាក្រែកយ៉ាងរលូនសមត្ថកិច្ចជំនាញពាក់ព័ន្ធក្នុងស្រុកអូរ គ្រៀងសែនជ័យរក្សាភាពស្ងៀមស្ងាត់
ប្រការនេះកំពុងធ្វើឲ្យព្រៃឈើក្នុងតំបន់ព្រៃការពារ ព្រៃអភិរក្សសត្វព្រៃ
សំបូរ ចៀសមិនផុតពីសេចក្ដីវិនាសសាបសូន្យ នៅក្នុងពេលឆាប់ៗខាងមុខនេះឡើយឈ្មួញឈើដ៏សកម្ម
ឈ្មោះ បុលនិងបក្ខពួកបាន
ដឹកជញ្ជូនឈើប្រភេទឈើ ស្រឡៅ
ឈើគ្រឿងផ្ទះនិងឈើសរសរផ្ទះ
ឡាំងជ្រុងៗ សកម្មភាពរបស់ឈ្មួញដឹកជញ្ជូនឈើ គ្មានមន្ត្រីជំនាញ ឬសមត្ថកិច្ចណាទប់ស្កាត់ទេគឺមានតែជួយសម្រួលឲ្យឈ្មួញដឹកជញ្ជូនឈើទៅ ដល់គោលដៅយ៉ាងរលូន។
ប្រភពបានឲ្យដឹងថា.!បើនិយាយពីសមត្ថកិច្ចតាមដងផ្លូវជាច្រើនកន្លែងមិនដែលបង្ក្រាបនោះទេ។
ប្រជាពលរដ្ឋមានការរិះគន់ថា.!លោក
សាក់ សារ៉ាង មេបញ្ជាការកងរាជអា
វុធហត្ថខេត្តក្រចេះសម្ងំប្រមូលលុយពីក្រុមឈ្មួញដឹកជញ្ជូនឈើយ៉ាងត្រជាក់ចិត្ត។
ប្រភពបានឲ្យដឹងថា.ឈ្មួញដែលធ្វើសកម្មភាពដឹកជញ្ជូនឈើទៅលក់នៅ
ក្នុងខេត្តត្បូងឃ្មុំ យ៉ាង គឃ្លើននៅ
ពេលនេះគឺឈ្មួញឈ្មោះបុលប្រហែល
ជាមាន ខ្នងបង្អែកនៅពីក្រោយខ្នង។
ប្រជាសហគមន៍ក៏ដូចជាប្រជាពលរដ្ឋ ក្នុង ខេត្តក្រចេះ សំណូមពរអំពាវនាវដល់ ឯកឧត្តម នាយឧត្តមសេនីយ៍
សៅ សុខា អគ្គមេបញ្ជាការរងកងយោ
ធពលខេមរភូមិន្ទ មេបញ្ជាការកងរាជ
អាវុធហត្ថលើផ្ទៃប្រទេស មេត្តាចាត់មន្ត្រីក្រោមឱវាទចុះត្រួតពិនិត្យជាបន្ទាន់ បើមិនដូច្នោះទេ ព្រៃឈើដែលនៅសេសសល់បន្តិចបន្តួច ពិតជាវិនាសជាក់ជាពុំខាន់៕
