ចាំមើលលោក ហេង សុថាអភិបាលស្រុកឆ្លូងនិងមានវិធានការទប់ស្កាត់ បែបណា? ចំពោះ មេខ្យល់ 3គ្រួសារ ដែលកំពុងតែ កៀងគរ ពលរដ្ឋមកនៅយ៉ាងអាណាធិបតេយ្យនៅលើដីចំណីផ្លូវ សាធារណៈស្ពានកំពង់រាំង
ក្រចេះ៖ ដោយប្រទេសជាតិមានសុខសន្តិភាពក្រោមការគ្រប់គ្រង របស់រាជរដ្ឋាភិបាល ដែលមានសម្ដេច អគ្គមហាសេនាបតីតេជោហ៊ុនសែន ជាប្រមុខថ្នាក់ដឹកនាំ ប្រកបដោយគតិព្រឹទ្ធបណ្ឌិត គេឃើញមានការ អភិវឌ្ឍន៍លូតលាស់លើគ្រប់វិស័យ ជាពិសេស ហត្ថារចនាសម្ព័ន្ធ មានការអភិវឌ្ឍន៍យ៉ាងឆាប់រហ័ស។
ទន្ទឹមនឹងមានការអភិវឌ្ឍន៍ គេតែងតែឃើញមាន ជនអគតិឆ្លៀតឱកាស មួយក្ដាប់តូច បំផុសបំផុលកៀងគរ បក្ខពួក បង្ករភាពអាណាធិបតេយ្យ មិនកោតក្រែង ច្បាប់ទម្លាប់បន្តិចណាសោះ។
ជាក់ស្ដែងនៅតាមបណ្តោយផ្លូវជាតិលេខ73ចំណុច គល់ស្ពានកំពង់រាំង ស្ថិតក្នុងភូមិ ហាន់ជ័យ ឃុំ ហាន់ជ័យ ស្រុកឆ្លូង ខេត្តក្រចេះ គេឃើញមាន មេខ្យល់ បីគ្រួសារ
-ទី1,ឈ្មោះ វេង សុខឡេ អាយុ57ឆ្នាំ ប្រពន្ធឈ្មោះ ណុប ខួចអាយុ44ឆ្នាំ
-ទី2,ឈ្មោះឆេង សុខឃី អាយុ48ឆ្នាំ ប្រពន្ធឈ្មោះញែម ស្រីទូច អាយុ37ឆ្នាំ
-និងទី3, ឈ្មោះ ហាក់ ពៅអាយុ45ឆ្នាំ ប្រពន្ធឈ្មោះអុិន សំអាយុ37ឆ្នាំ។
គ្រួសារទាំងបីនេះកំពុងតែ បំផុសបំផុល កៀងគរ ប្រជាពលរដ្ឋ មកតាំងលំនៅដ្ឋានលើដីចំណីផ្លូវ សាធារណៈ នៅពីមុខដីដែលម្ចាស់គេមាន ប័ណ្ណកម្មសិទ្ធិ សម្គាល់អចលនទ្រព្យ ស្របច្បាប់ យ៉ាងគឃ្លើន គ្មានញញឹមច្បាប់សោះ។
ប្រភពពីប្រជាពលរដ្ឋ ដែលរស់នៅក្នុងភូមិកំពង់រាំង ឃុំសេដា ស្រុកតំបែរ ខេត្តត្បូងឃ្មុំ បានឲ្យដឹងថា ឈ្មោះវេង សុខឡេង ជាមេក្លោងធំ មិនដែលខ្លាច ញញើត និងអាជ្ញាធរ មានសមត្ថកិច្ចម្តងណាឡើយ។
ប្រភពបានបន្តទៀតថា លោកវេងសុខឡេងបាននិយាយថា លោកនឹងប្រមូលកៀងគរបក្ខពួក ឲ្យបានច្រើន មកបោះទីតាំង នៅលើដីចិញ្ចើមផ្លូវសាធារណៈនេះ បន្តពីពួកលោកទាំងបីនាក់។
ទង្វើអានាធិបតេយ្យរបស់ បក្ខពួក ខាងលើនេះ ប្រសិនបើអាជ្ញាធរបណ្ដែតបណ្ដោយមិនមានវិធានការទប់ស្កាត់ វានឹងក្លាយទៅជាដំបៅមហារីក មិនខានឡើយ។
ក្រុមនេះ អាចជាពួកដែល ដើរបង្ករភាពអាណាធិបតេយ្យ បើម្ចាស់ដីគេឬអាជ្ញាធរ មិនទប់ស្កាត់ទេយូៗទៅពួកគេនិង ឈ្នះបានដី តែបើចាញ់គេពួកគេនិងទៀមទាបានលុយ។
ពាក់ព័ន្ធនឹងករណីខាងលើនេះដែរ លោក ហេង សុថា អភិបាលនៃគណៈអភិបាលស្រុកឆ្លូង បានប្រាប់ឲ្យដឹងតាមទូរស័ព្ទ ថា អាជ្ញាធរមានសមត្ថកិច្ច ភូមិឃុំនិងលោកមេប៉ុស្តិ៍ បានចុះពន្យល់ណែនាំ មិនអនុញ្ញាតឲ្យសាងសង់ នៅលើដី ចិញ្ចើមផ្លូវ សាធារណៈ ចំណុចខាងលើនេះជាច្រើនលើកច្រើនសាមកហើយ។
រហូតមកដល់ព្រឹកថ្ងៃទី 5 ខែកញ្ញាឆ្នាំ 2019 លោក បានចុះមកពិនិត្យផ្ទាល់ ហើយណែនាំប្រាប់ ឱ្យធ្វើខិតចូលទៅក្នុង មិនអនុញ្ញាតអោយសង់នៅលើចិញ្ចើម ផ្លូវឡើយ។
លោកបានបន្តទៀតថា បើម្ចាស់ដី គេមិនអនុញ្ញាតឲ្យធ្វើ ហើយ មានការប្ដឹងផ្ដល់មកអាជ្ញាធរស្រុក លោកនឹងមានវិធានការតាមផ្លូវច្បាប់។នៅមានត
