មេគយចល័តច្រករបៀងព្រំដែនថ្នាធ្នង់ គាបសង្កត់ពីប្រជាពលរដ្ឋ និងអាជីវករតូច តាច ដឹកជញ្ជួនកសិផលចេញពីស្រុកយួន ចូលខ្មែរ តាមអំពើចិត្ត !
ស្វាយរៀង ÷ ប្រភពពីប្រជាពលរដ្ឋ រស់នៅភូមិថ្នា ឃុំថ្នាធ្នង់ ស្រុករំដួល បានបញ្ជាក់ឲ្យដឹងថា ប្រជាពលរដ្ឋ ក៍ដូចជាអាជីវករដឹកជញ្ជូនស្រូវពូជ លួសសំណាញ់ដែក ស៊ីម៉ង់ត៍យកមកធ្វើផ្ទះលក្ខណៈគ្រួសារក្នុងស្រុក ចេញពីស្រុកយួនចូលខ្មែរ រីឯមេគយចល័តច្រករបៀងព្រំដែនថ្នាធ្នង់ គាបសង្កាត់ ដល់ពួកគាត់រកសុីសល់កម្រៃតិចទូចបំផុត។
ក្រុមអាជីវករក៍ដូចជាឈ្មួញ ក្នុងខេត្តស្វាយរៀង ដឹកជញ្ជូន ស្រូវពូជ ស៊ីម៉ង់ត៍ លួសសំណាញ់ដែកភ្នែកគ្រួច និងទំនិញផ្សេងៗ ចេញពីស្រុកយួន ចូលមកខ្មែរ តាមច្រករបៀងព្រំដែនថ្នាធ្នង់ ត្រូវបានមេគយចល័តច្រករបៀងព្រំដែនថ្នាធ្នង់ទារឡេីងថ្លៃខុសរាល់សព្វដង ធ្វេីឲ្យពួកគាត់រកសុីមានផលវិបាកកាន់តែខ្លាំង។
ដូច្នេះឯកឧត្តម ប៉េង ពោធិ៍សា អភិបាលខេត្តស្វាយរៀង ទេីបឡេីងកាន់តំណែង ថ្មី និងលោក ពេជ្រ វិរះ នៃស្នងការដ្ឋាននគរបាលខេត្តស្វាយរៀង មិនគួរបណ្ដែតបណ្ដោយឲ្យលោក នាយប៉ុស្តិ៍នគរបាលច្រករបៀងព្រំដែនថ្នាធ្នង់ និងស្ថាប័នពាក់ពន្ធជាច្រើនកន្លែងអង្គុយចាំយកលុយ យ៉ាងសុខស្រួលបំផុត ធ្វេីឲ្យប្រជាពលរដ្ឋ និងពួកអាជីវករ ព្រមទាំងឈ្មួញក្នុងខេត្តស្វាយរៀង ប្រឈមរកសុីជួបបញ្ហាលំបាកគ្រប់បែបយ៉ាង។
តាមការបញ្ជាក់ពីប្រជាពលរដ្ឋ និងឈ្មួញដឹកជញ្ជូនកសិផល ផ្សេងៗ ចេញពីស្រុកយួន តាមច្រករបៀងព្រំដែនថ្នាធ្នង់ បន្តិចបន្តួច ក្នុងស្រុក ត្រូវបានសមត្ថកិច្ចពាក់ព័ន្ធនៅច្រកនេះ ព្រមទាំង មេគយចល័តច្រករបៀងព្រំដែនថ្នាធ្នង់ ទារឡើងថ្លៃ ធ្វេីឲ្យពួកគាត់ធ្វេីការតវ៉ាសុំចុះតម្លៃ។
ហេតុនេះហើយទើបមានការជំរុញឲ្យ ថ្នាក់ដឹកនាំក្រសួងមហាផ្ទៃ និងលោក អូន ព័ន្ធ មុនីរ័ត្ន រដ្ឋមន្ត្រីក្រសួងហិរញ្ញវត្ថុ ព្រមទាំង សមត្ថកិច្ចជំនាញពាក់ព័ន្ធក្នុងខេត្តស្វាយរៀង មេត្តាចុះត្រួតពិនិត្យខ្លះផង នៅអំពេីពុករលួយ របស់នាយប៉ុស្តិ៍នគរបាលច្រករបៀងព្រំដែនថ្នាធ្នង់ និងមេគយចល័តច្រករបៀងព្រំដែនថ្នាធ្នង់ បក្សពួក ចែកគ្នាធ្វេីមានធ្វេីបានមិនខ្វល់ពីការរិះគន់អ្វីទាំងអស់៕
