Month: October 2024

ថ្ងៃទី២៤ខែតុលាឆ្នាំ២០២៤ (ខេត្តមណ្ឌលគិរី)÷ នៅថ្ងៃនេះ ក្រុងសែនមនោរម្យ និងស្រុកអូររាំង នៃខេត្តមណ្ឌលគិរី ទទួលបាននូវសមិទ្ធផលធំៗចំនួន ៣ គឺទំនប់អូរតេធិបតី ដែលនៅចំពោះមុខនេះ ទំនប់សែនសុខដុម និង ទំនប់សែនមនោរម្យដោយចំណាយថវិកាសរុបប្រមាណ ៦២ លានដុល្លារអាមេរិក ក្រោមក្របខ័ណ្ឌឥណទានមូលនិធិទ្រទ្រង់ថវិការបស់រាជរដ្ឋាភិបាលកម្ពុជា ហើយសមិទ្ធផលនេះបានកើតឡើង មិនមែនជាការចៃដន្យនោះទេ គឺបានមកពីកិច្ចខិតខំប្រឹងប្រែង និង សាមគ្គីភាព រួមទាំងការឯកភាពផ្ទៃក្នុង, ជាពិសេសកិច្ចសហការ ដ៏ល្អប្រពៃរវាង ក្រសួងសេដ្ឋកិច្ច និង ហិរញ្ញវត្ថុ និង ក្រសួងធនធានទឹក និង ឧតុនិយម ព្រមទាំង អាជ្ញាធរមូលដ្ឋាន និង ប្រជាពលរដ្ឋ, ហើយក៏បានស្តែងចេញនូវសមិទ្ធផលជាច្រើននៅ ទូទាំងប្រទេស និយាយជារួម និង និយាយដោយឡែក សមិទ្ធផលនៅខេត្តមណ្ឌលគិរី។ គម្រោងអភិវឌ្ឍន៍ធនធានទឹកសម្រាប់ពហុវិស័យនៅក្នុងខេត្តមណ្ឌលគិរីនេះ គឺជាផ្នែកមួយនៃផែនការមេរបស់ក្រសួងធនធានទឹក និងឧតុនិយម ដើម្បីផ្គត់ផ្គង់ធនធានទឹកដល់គ្រប់វិស័យបម្រើដល់សេចក្តី ត្រូវការរបស់ខេត្ត ហើយបណ្តាអាងទឹកក្នុងតំបន់នេះក៏នឹងទាក់ទាញកំណើនទេសចរផងដែរ ៕

ថ្ងៃទី២៣ខែតុលាឆ្នាំ២០២៤ (ខេត្តមណ្ឌលគិរី )៖ ឯកឧត្តម នេត្រ ភក្ត្រា បានជំរុញដល់មន្ទីរព័ត៌មានខេត្តមណ្ឌលគិរី ត្រូវបន្តខិតខំប្រឹងប្រែងផ្សព្វផ្សាយឱ្យបានទូលំទូលាយបន្ថែមទៀតដើម្បីឱ្យប្រជាពលរដ្ឋកាន់តែយល់ច្បាស់នូវព័ត៌មានពិត ត្រឹមត្រូវ ប្រកបដោយវិជ្ជាជីវៈ និងយល់ដឹងពីគោលនយោបាយរបស់រាជរដ្ឋាភិបាល ព្រមទាំងការអភិវឌ្ឍរីកចម្រើនរបស់ប្រទេសជាតិ។ ឯកឧត្តម នេត្រ ភក្ត្រា​ រដ្ឋមន្ត្រីក្រសួងព័ត៌មាន​​ ថ្លែងបែបនេះ ក្នុងពិធីជួបសំណេះសំណាលជាមួយមន្ត្រីរាជការ មន្ត្រីជាប់កិច្ចសន្យា នៃមន្ទីរព័ត៌មានខេត្តមណ្ឌលគិរី និងអ្នកសារព័ត៌មានជាច្រើនរូប​ ។ ឯកឧត្តម នេត្រ ភក្ត្រា មានប្រសាសន៍ថា វិស័យព័ត៌មានបានដើរតួនាទីយ៉ាងសំខាន់ក្នុងការផ្តល់ដំណឹងចែកជូនដល់គ្រប់មជ្ឈដ្ឋាន។មិនត្រឹមប៉ុណ្ណោះស្ថាប័នព័ត៌មានជាតិ អន្តរជាតិ ទាំងរដ្ឋនិងឯកជនគឺជាប្រព័ន្ឋផ្សព្វផ្សាយដ៏ចាំបាច់សម្រាប់នាំយកនូវសកម្មភាពកិច្ចការងាររបស់រាជរដ្ឋាភិបាលបង្ហាញជូនសាធារណៈជន។ ឯកឧត្តម​​ រដ្ឋមន្ត្រី នេត្រ ភក្ត្រា បានគូសបញ្ជាក់ថា ក្រសួងព័ត៌មាន មិនមែនគ្រាន់តែជាក្រសួងប្រមូល និងផ្សព្វផ្សាយព័ត៌មាននោះទេ ហើយមន្ទីរព័ត៌មានក៏មិនមែនត្រឹមតែទៅយកព័ត៌មាន ហើយផ្សាយព័ត៌មាននោះដែរ ប៉ុន្តែត្រូវតែចេះគិតពីយុទ្ធសាស្រ្ត និងគោលនយោបាយព័ត៌មាន សម្រាប់ប្រទេសជាតិ។ ឯកឧត្តម នេត្រ ភក្ត្រា បានកោតសរសើរ និងវាយតម្លៃខ្ពស់ចំពោះលទ្ធផលការងារទាំងឡាយដែលមន្ទីរព័ត៌មានខេត្តមណ្ឌលគិរីអនុវត្តន៍បាននាពេលកន្លងមក ទោះបីជួបការលំបាកខ្វះខាតក្តី តែបានប្រឹងប្រែងរួមគ្នាជំនះបំពេញការងារសម្រេចជូនជាតិ និងខេត្តរបស់ខ្លួន ដែលបង្ហាញពីការលះបង់គ្រប់បែបយ៉ាងដើម្បីវិស័យព័ត៌មាន និងសោតទស្សន៍ ក្នុងខេត្តឱ្យមានការរីកចម្រើន។

(មណ្ឌលគិរី)៖ នាព្រឹកថ្ងៃទី២៣ ខែតុលា ឆ្នាំ២០២៤ ឯកឧត្តម ហង្ស ច័ន្ទវរៈ ជំនួយការសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីជួបសំណេះសំណាល និងចែកសៀវភៅ «សីលរតនៈ» ជាធម្មទានដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ជូនដល់លោកគ្រូ អ្នកគ្រូ​ ដោយមានការចូលរួមពីលោក លី សាមិ ប្រធានមន្ទីរអប់រំយុវជន អប់រំ យុវជន និងកីឡា មន្ទីរ/អង្គភាពពាក់ព័ន្ធ ព្រមទាំង គ្រូបង្រៀន និងគ្រូពេទ្យជាច្រើនរូប ដែលពិធីនេះប្រព្រឹត្តទៅ នៅសាលប្រជុំមន្ទីរអប់រំ យុវជន និងកីឡា ខេត្តមណ្ឌលគិរី ។ ឯកឧត្ដម ហង្ស ច័ន្ទវរៈ ជំនួយការ សម្ដេច បានពាំនាំនូវការសាកសួរសុខទុក្ខពីប្រមុខរាជរដ្ឋាភិបាលកម្ពុជា និងបានបញ្ជាក់ថា ពិធីសំណេះសំណាលពេលនេះ គឺជាការលើកទឹកចិត្តដោយផ្ទាល់ ពីសំណាក់ប្រមុខថ្នាក់ដឹកនាំ ចំពោះលោកគ្រូ អ្នកគ្រូជាបុគ្គលិកអប់រំ ហើយកំណែទម្រង់ចុងក្រោយក្នុងវិស័យអប់រំនេះ គឺជាជោគជ័យដ៏ធំក្នុងវិស័យអប់រំ ពីព្រោះបច្ចុប្បន្នកម្ពុជាមានប្រព័ន្ធអប់រំច្បាស់លាស់ ខុសពីពេលកន្លងទៅ […]

ថ្ងៃទី២៣ខែតុលាឆ្នាំ២០២៤ ប្រភពពីក្រុមអាជីវករ ក៏ដូចជាអ្នករកស៊ីដឹកទំនិញស្របច្បាប់និងទំនិញ គេចពន្ធជាច្រើនប្រភេទឆ្លងដែន ចេញចូលពីប្រទេសវៀតណាមមកកម្ពុជា បានបង្ហើបថា .!ចាប់តាំងពី លោក ទន់ ចាន់ធី ចូលកាន់តំណែងភ្លាមជាប្រធានស្នាក់ការតំបន់២ បង្ការ និងបង្ក្រាបបទល្មើសរត់ពន្ធនោះមកគឺលោកបានប្ដូរប្រព័ន្ធបង់លុយខុសពីមុនក្នុងបំណងរក្សាការសម្ងាត់កុំឱ្យបែកធ្លាយដល់អ្នកកាសែត ដោយបានកំណត់ឱ្យអាជីវករទៅបង់លុយដាក់ខែផ្ទាល់ខ្លួន ឬទំនាក់ទំនងតាមទូរសព្ទផ្ទាល់ខ្លួន។ រឿងអាស្រូវពុករលួយរបស់ លោក ទន់ ចាន់ ធី មេគយចល័តតំបន់ ២ ត្រូវបានលាតត្រដាងជាបន្តបន្ទាប់ច្រើនបែបច្រើនយ៉ាងប្រមូលលុយពីក្រុមឈ្មួញ គ្រាក់ៗ ដឹកទំនិញគេចពន្ធបង់ពន្ធមិនគ្រប់ចេញពីព្រំដែននានា ក្នុងខេត្តព្រៃវែង និងខេត្តស្វាយរៀង ដាក់ក្នុងហោប៉ៅធ្វេីមានធ្វេីបាន យ៉ាងត្រជាក់ចិត្តបំផុត មិនខ្វល់ពីការរិះគន់អ្វីទាំងអស់។ ប្រភពដដែលបានឲ្យដឹងថា កាលពីជំនាន់លោក ខៀវ សារឿន ជាប្រធានស្នាក់ការតំបន់២ គឺមានការកំណត់យកលុយពីអាជីវករ ដាក់ហោប៉ាវដែរនិងបង់តាមផ្ទះផ្ទាល់ ប៉ុន្តែមិនច្រើន ហើយក៏មិនតឹងតែងដូចលោក ទន់ ចាន់ធី ហើយលោកក៏បានរៀបចំប្រព័ន្ធគ្រប់គ្រងថ្មី ដោយគាបយកលុយពីអាជីវករ អ្នកដឹកទំនិញពីវៀតណាមចូលខ្មែរច្រើនជាងមុន ជាហេតុនាំឱ្យពួកគាត់រកប្រាក់ចំណេញលែងបាន។ សម្រាប់រថយន្តធុនតូច ក្នុង១ជើងៗចំនួន ២០ម៉ឺនរៀលជាកំហិត, រថយន្តធុនមធ្យមយកចាប់ពី ៣០ម៉ឺនរៀលទៅ៥០ម៉ឺនរៀល ក្នុង១ជើង, រថយន្តធុនធំ យកចាប់ពី៥០ម៉ឺនរៀល ទៅ៨០ម៉ឺនរៀលក្នុង១ជើង។ ជាមួយគ្នានោះ […]

(ខេត្តព្រះវិហារ )÷លោក ស្រេង វុទ្ឋា ព្រះរាជអាជ្ញារងអមសាលាដំបូងខេត្តព្រះវិហារ បានដឹកនាំកម្លាំជំនាញនៃមន្ទីររ៉ែនឹងថាមពលខេត្តព្រះវិហារ សហការជាមួយកម្លាំងកងរាជ អាវុធហត្ថខេត្តព្រះវិហារ ចុះបង្ក្រាបការជីករុករករ៉ែមាសអនាធិបតេយ្យចំនួន2កន្លែង កំទិចសម្ភារះចោលទាំងស្រុងប្រតិបត្តិការនេះបានធ្វើ ឡើងកាលពីថ្ងៃ21ខែតុលាឆ្នាំ2024នៅ ចំណុចភូមិរំដេង ឃុំរមទម ស្រុករវៀង ខេត្តព្រះវិហារ ។គួរំលឹកផងដែរថា ទីតាំងជីករុករករ៉ែមាសខាងលើជាទីតាំងដែលរាជរដ្ឋាភិបាលបានផ្តល់សិទ្ឋអោយក្រុមហ៊ុន(ដែលខមកម្ពុជា) ធ្វើការស្រាវជ្រាវរុករករ៉ែមាស អាជ្ញាធរនឹងមន្ទីរជំនាញបានហាមមិនអោយប្រជាពលរដ្ឋជីករុករករ៉ែមាសដោយគ្មានបច្ចេកទេសត្រឹមត្រូវលើយ ពី ព្រោះក្នុងឆ្នាំកន្លងមក បានធ្វើអោយកម្មករជីករ៉ែមាសគ្រោះថ្នាក់ស្លាប់ជាបន្តបន្ទាប់ ដោយសារការជីករុករករ៉ែមានគ្មានបច្ចេកទេសត្រឹមត្រូវ ។ លោក ស៊ុន ចន្ទ័រក្សា ប្រធានមន្ទីររ៉ែនិងថាមពលខេត្តព្រះវិហារ នឹងលោក ហោ ប៊ុនហួរ អភិបាលស្រុករវៀង បានចុះអប់រំណែនាំដល់ប្រជាពលរដ្ឋនៅក្នុងតំបន់ខាងលើជា ច្រើនដង ដើម្បីការពារអាយុជីវិតកម្មករ អាជ្ញាធរអនុញ្ញាតអោយជីកតែរណ្តៅរ៉ាក់ៗហាមជីកលុងជ្រៅជាកំពែងចូលជ្រៅទៅក្នុងដីដៅ ។ សូមបញ្ជាក់ជូនផងដែរថា ទីតាំងទី1មានម្ចាស់ឈ្មោះ បូរ នៅជាប់ជើងភ្នំលុង ត្រូវបានក្រុមសន្តិសុខយកគ្រឿងចក្រកាយលុបរណ្តៅចោលទីតាំងទី2មិនត្រូវបានស្គាល់អត្តសញ្ញាណទេ ធ្វើនៅក្នុងដីឡូត៍ផ្ទះ ចែឆយ ត្រូវកម្លាំងសមត្ថកិច្ចកំទិចចោលទាំងស្រុង ។ លោក ស៊ុន ចន្ទ័រក្សា ប្រធានមន្ទីរ៉ែ នឹងថាមពលខេត្តព្រះវិហារ បានថ្លែងសូមអំពាវនាវដល់បងប្អូនប្រជាពលរដ្ឋនៅក្នុងភូមិរំដឹងទាំងអស់ ពិសេសកម្មករដែលចំណាកស្រុកមកធ្វើជាកម្មករជីរុករករ៉ែមាស សូមកុំជឿឧបាយកលទុច្ចរឹតរបស់ថៅកែៗជីកមាសដោយខុសច្បាប់នឹងគ្មានបច្ចេកទេសត្រឹមត្រូវ នាំអោយគ្រោះថ្នាក់ដល់អាយុជីវិតរបស់បងប្អូនយើង […]

ថ្ងៃទី ២១ខែតុលា ឆ្នាំ២០២៤ (​ខេត្តត្បូងឃ្មុំ) ÷ ប្រភព​ពី​ប្រជាពលរដ្ឋ រស់នៅ​ភូមិ​ល្អក់ ឃុំ​ក្រែក ស្រុក​ពញា ក្រែក ​បាន​ឲ្យ សារព័ត៌មាន​យើង ដឹងថា ÷សព្វថ្ងៃនេះ ក្រុម​ឈ្មួញ​មួយក្រុម បាន​ដាក់​គ្រឿងចក្រ​ជីករណ្តៅ​ដី​មួយកន្លែងនៅភូមិល្អក់និងភូមិកូវ ដែល​មាន​ជម្រៅ​ខុស​ពីបទដ្ឋាន​បច្ចេកទេស ហើយ​រថយន្ត​ដឹក​អាចម៌ដី​ធំៗ​ធ្វើឲ្យ​ជ្រុះ​អា​ចម៌ដី​ពាស់ពេញ​ផ្លូវ​មិន​គ្រប​តង់ ឲ្យបាន​ត្រឹមត្រូវ​នោះ​ទេ​។​ ​បើគ្មាន​កា​របេី​កដៃ​ពី​សំណាក់ លោក ប្រធាន មន្ទីរ​រ៉ែ ថាមពល​ខេត្ត ត្បូងឃ្មុំ និង ប្រធាន​មន្ទីរ ឧតុនិយម ខេត្ត​ត្បូង ឃ្មុំទេនោះ គឺ​ឈ្មួញ​មួយក្រុម​មិន​អាច​ដាក់​គ្រឿងចក្រ​ជីកដី​យក​លក់​លើទី ផ្សារសេរី បានឡើយ ។​ ​តាម​ការលេី​កឡើង​ ពី​ប្រជាពលរដ្ឋនិង អាជ្ញាធរមេភូមិ បានបញ្ជាក់​ច្បាស់ៗ​ថា ក្រុមឈ្មួញទាំងនោះមិនខ្វក់ពីសុខទុក្ខ របស់ប្រជាពលរដ្ឋរស់នៅតាមដងផ្លូវ ឡើយគិតតែផលប្រយោជន៍ចំណែក ឡានដឹកដីបើកលឿនហើយមិនយកតង់គ្របពីលើ ធ្វើឲ្យហុយដីសំពោង។ ឈ្មួញទាំងនោះមានឈ្មោះលោកថេត លោក វ៉ាន់ និង លោកធឿន ហើយឈ្មួញទាំងនោះយកដីទៅចាក់ហើយដឹកសម្រាម់យកមកចាក់ជិតផ្ទះអ្នក ភូមិ។ ប្រជាពលរដ្ឋ​ក្នុង​មូលដ្ឋាន​ជា​ច្រើន​គ្រូ​សារ ជំរុញ​ឲ្យ ស្ថាប័ន​ពាក់ព័ន្ធ​មន្ត្រី​ជំនាញ ព្រមទាំង ប្រធាន​មន្ទីរ​បរិស្ថាន […]

ថ្ងៃទី២០ខែតុលាឆ្នាំ២០២៤ (ខេត្តតំពត)÷ល្បីល្បាញណាស់ពេល នេះ​អំពើពុករលួយ​របស់លោក ជួប ចំរើន មេ​គយ​ខេត្តកំពត ក្នុងការ​បើកដៃ​ឲ្យ ឈ្មួញ​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់ និង​ទំនិញ​ខុសច្បាប់​តាម​ច្រក​ព្រែក​ចាក ច្រក​តន់​ហន់ និង​តាម​ដែនសមុទ្រ​យ៉ាង​ពេញបន្ទុក គឺជា​រឿង​មិនអាច​បិទបាំង​បាន​តទៅ​ទៀតឡើយ​។ ប្រភពពីមន្ត្រីគយក្នុងខេត្តកំពតបានឲ្យដឹងថាសព្វថ្ងៃនេះមានមន្ត្រីគយម្នាក់ជាមនុស្សជំនិតរបស់លោក ជួប ចំរើនឈ្មោះសារឿនកំពុងដើរធ្វើធ្វើព្យុះភ្លៀងគ្រប់ច្រល្ហកតាមតំបន់ព្រំដែននិងតាមផ្លូវជាតិដើម្បីប្រមូលលុយស្រស់ៗពីក្រុមឈ្មួញ តូចនិង ធំតាមអំពើចិត្ត។ ​រយៈពេល​ប៉ុន្មាន​ខែ​កន្លងទៅនេះ​មេ​គយ​ខេត្តកំពត គឺ​លោក ជួប ចំរើន បាន​សាង​ភាពល្បីល្បាញ​យ៉ាង​ឆាប់រហ័ស​ជុំវិញ​ការឃុបឃិត​បើកដៃ​ឲ្យ​ឈ្មួញ​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់ តាម​ច្រក​តន់​ហន់ ច្រក​ព្រែក​ចាក និង​តាម​ច្រក​ដែនសមុទ្រ ដើម្បី​ប្រមូល​លុយ​ដាក់​ហោប៉ៅ​យ៉ាង​ក្រអឺតក្រទម​។ រឿងរ៉ាវ​ពុករលួយ​របស់លោក ជួប ចំរើន មេ​គយ​ខេត្តកំពត ត្រូវបាន​មន្ត្រី​គយ​និង​ភ្នាក់ងារ​គយ​តូចតាច​ក្នុង​ខេត្ត​នេះ​បើក​កកាយ​ជា​បន្តបន្ទាប់​ដើម្បី​ឲ្យ​លោក គុណ ញឹម ជា​អគ្គនាយក​គយ និង​លោក អូន ព័ន្ធមុនីរ័ត្ន ដែលជា​រដ្ឋមន្ត្រីក្រសួង​ហិរញ្ញវត្ថុ បានដឹង​និង​ចាត់វិធានការ​ទប់ស្កាត់​ឲ្យ​បាន​ទាន់ពេលវេលា​។ ដោយហេតុថា លោក ជួប ចំរើន បន្ទាប់ពី​ទទួលបាន​តំណែង​ជា​មេ​គយ​ខេត្តកំពត ក៏មាន​ឈ្មោះ​ល្បីល្បាញ​ខាង​ប្រព្រឹត្ត​អំពើពុករលួយ​ឃុបឃិត​បើកដៃ​ឲ្យ​ឈ្មួញ​នាំចូល​ទំនិញគេចពន្ធ​និង​ទំនិញ​បង់ពន្ធ​មិន​គ្រប់​កាន់តែ​ច្រើនឡើងៗ​។ ទន្ទឹមនឹងនេះ​ក៏មាន​ក្រុមមន្ត្រី​គយ​តូចតាច​ក្នុង​អគ្គនាយកដ្ឋាន​គយ​និង​រដ្ឋាករ​កម្ពុជា​បង្ហើប​ឲ្យ​ដឹងថា បើ​គ្មាន​ការឃុបឃិត​បើកដៃ​ពី​មន្ត្រី​គយ​ធំៗ​នៅ​ខាងលើ​ទេនោះ​គឺ​ លោក ជួប ចំរើន មេ​គយ​ខេត្តកំពត មិន​ហ៊ាន​ធ្វើ​អ្វីៗ​តាម​អំពើ​ចិត្ត​ឡើយ​។ ​សេចក្តីរាយការណ៍​ពី​មន្ត្រី​គយ​តូចតាច​ក្នុង​ខេត្តកំពត […]

ថ្ងៃទី២០ខែតុលាឆ្នាំ២០២៤ (ខេត្តពោធិ៍សាត់) ÷ ប្រភពពីឈ្មួញដឹកជញ្ជួនទំនិញតាមរថយន្តខ្នាតធំៗ បន្ទុក លេីសទម្ងន់ឆ្លងកាត់ស្ថានីយ៍ ជញ្ជីងតាមផ្លូវជាតិលេខ៥ ដែលពួក ឈ្មួញ អះអាងថាសុទ្ធតែបង់លុយមុនឲ្យមន្រ្តីប្រចាំស្ថានីយ៍ជញ្ជីងថ្លឹងរថយន្ត ចំណុចភូមិបន្ទាយដីលេី ឃុំស្នាមព្រះ ស្រុកបាកាន ខេត្តពោធិ៍សាត់ គឺក្រុមមន្ត្រីអាចរកចំណូលលើតុ ក្រោមតុ សម្រាប់ចែកគ្នាដាក់ហោប៉ាវ ធ្វើមានបានយ៉ាងសុខស្រួលបំផុត។ ក្រុមអាជីវករតូចតាចដឹកទំនិញ ឆ្លងកាត់លេីស្ថានីយ៍ជញ្ជីងផ្លូវជាតិលេខ៥ ចំណុចភូមិបន្ទាយដីលេី ឃុំស្នាមព្រះ ស្រុកបាកាន ខេត្តពោធិ៍សាត់ បានធ្វើការរិះគន់ដល់មន្រ្តីដែលប្រចាំការនៅលើស្ថានីយ៍ជញ្ជីងផ្លូវជាតិលេខ៥ មិនយកចិត្តទុកដាក់នៅក្នុងការផាកពិន័យ ឬមានវិធានការផ្លូវច្បាប់ទៅលើរថយន្ត ដឹកលេីសទម្ងន់ឬល្មើសច្បាប់នោះទេ គឺពួកមន្ត្រីទាំងនោះគិតតែរឿងផលប្រយោជន៍។ ជាការពិតជារៀងរាល់យប់ថ្ងៃ គេតែងតែសង្កេត ឃើញតៃកុងឡានឬព្រូលចុះបង់លុយ រួចបើកបន្តទៅមុខយ៉ាងរលូន ទោះបីដឹកផ្ទុកលើសទម្ងន់កំណត់ក៏ដោយ រីឯរថយន្តខ្លះទៀត គ្រាន់ តែវាយភ្លើងសញ្ញ ជាសញ្ញា បក្សពួកគេខាងស្ថានីយ៍ឲ្យដឹងរថយន្ត បន្តដំណើរមិន ឈប់ចូលជញ្ជីងថ្លឹងក៍បាន។ មជ្ឈដ្ឋានខាងក្រៅ ! និងក្រុមអាជីវករតូចតាច បានបញ្ជាក់បន្ថែមទៀតថា សកម្មភាពរបស់កម្លាំងចម្រុះ ក្រោមការគ្រប់គ្រងរបស់មន្ត្រីសាធារណការនិងដឹកជញ្ជូនមិនបានធ្វើការងារអ្វីក្រៅពីប្រមូលលុយពីរថយន្ត ដឹកដី ដឹកថ្ម ដឹកខ្សាច់ និងដឹកទំនិញគ្រប់ប្រភេទ ឆ្លងកាត់ស្ថានីយ៍ជញ្ជីងថ្លឹងរថយន្ត ផ្លូវជាតិលេខ៥ ក្រុងពោធិ៍សាត់ នោះទេ។ […]

ថ្ងៃទី២០ខែតុលាឆ្នាំ២០២៤ ប្រភពពីក្រុមអាជីវករ ក៏ដូចជាអ្នករកស៊ីដឹកទំនិញស្របច្បាប់និងទំនិញ គេចពន្ធជាច្រើនប្រភេទឆ្លងដែន ចេញចូលពីប្រទេសវៀតណាមមកកម្ពុជា បានបង្ហើបថា .!ចាប់តាំងពី លោក ទន់ ចាន់ធី ចូលកាន់តំណែងភ្លាមជាប្រធានស្នាក់ការតំបន់២ បង្ការ និងបង្ក្រាបបទល្មើសរត់ពន្ធនោះមកគឺលោកបានប្ដូរប្រព័ន្ធបង់លុយខុសពីមុនក្នុងបំណងរក្សាការសម្ងាត់កុំឱ្យបែកធ្លាយដល់អ្នកកាសែត ដោយបានកំណត់ឱ្យអាជីវករទៅបង់លុយដាក់ខែផ្ទាល់ខ្លួន ឬទំនាក់ទំនងតាមទូរសព្ទផ្ទាល់ខ្លួន។ រឿងអាស្រូវពុករលួយរបស់ លោក ទន់ ចាន់ ធី មេគយចល័តតំបន់ ២ ត្រូវបានលាតត្រដាងជាបន្តបន្ទាប់ច្រើនបែបច្រើនយ៉ាងប្រមូលលុយពីក្រុមឈ្មួញ គ្រាក់ៗ ដឹកទំនិញគេចពន្ធបង់ពន្ធមិនគ្រប់ចេញពីព្រំដែននានា ក្នុងខេត្តព្រៃវែង និងខេត្តស្វាយរៀង ដាក់ក្នុងហោប៉ៅធ្វេីមានធ្វេីបាន យ៉ាងត្រជាក់ចិត្តបំផុត មិនខ្វល់ពីការរិះគន់អ្វីទាំងអស់។ ប្រភពដដែលបានឲ្យដឹងថា កាលពីជំនាន់លោក ខៀវ សារឿន ជាប្រធានស្នាក់ការតំបន់២ គឺមានការកំណត់យកលុយពីអាជីវករ ដាក់ហោប៉ាវដែរនិងបង់តាមផ្ទះផ្ទាល់ ប៉ុន្តែមិនច្រើន ហើយក៏មិនតឹងតែងដូចលោក ទន់ ចាន់ធី ហើយលោកក៏បានរៀបចំប្រព័ន្ធគ្រប់គ្រងថ្មី ដោយគាបយកលុយពីអាជីវករ អ្នកដឹកទំនិញពីវៀតណាមចូលខ្មែរច្រើនជាងមុន ជាហេតុនាំឱ្យពួកគាត់រកប្រាក់ចំណេញលែងបាន។ សម្រាប់រថយន្តធុនតូច ក្នុង១ជើងៗចំនួន ២០ម៉ឺនរៀលជាកំហិត, រថយន្តធុនមធ្យមយកចាប់ពី ៣០ម៉ឺនរៀលទៅ៥០ម៉ឺនរៀល ក្នុង១ជើង, រថយន្តធុនធំ យកចាប់ពី៥០ម៉ឺនរៀល ទៅ៨០ម៉ឺនរៀលក្នុង១ជើង។ ជាមួយគ្នានោះ […]

ថ្ងៃទី១៩ខែតុលាឆ្នាំ២០២៤ (ខេត្តក្រចេះ)÷មន្ត្រី​អង្គការក្រៅរដ្ឋាភិបាល ​និង​សកម្មជន​ព្រៃឈើ​ក្នុង​ខេត្តក្រចេះ បាន​ឲ្យ​ដឹងថា!បទល្មើស​ព្រៃឈើ​កំពុង​ក្លាយទៅជា​រឿង​ឥតន័យ ពីព្រោះ​លោក ដួង ឆាយសាវុធ ប្រធានមន្ទីរបរិស្ថាន ខេត្តក្រចេះមិន​ ចាត់វិធានការ​បង្ក្រាប​ក្រុម​ឈ្មួញ​ដឹក ជញ្ជូន​ឈើ​ទាំងនោះឡើយ។ ប្រភពពី​មន្ត្រីរាជការ​ក្នុង​មន្ទីរ​បរិស្ថាន ខេត្តក្រចេះមួយចំនួន​បាន​ឲ្យ​ដឹងថា÷ មន្ត្រីដែនជំរកបរិស្ថានក្នុងតំបន់ភ្នំព្រេច ស្រុកស្នួល ក្នុងខេត្តក្រចេះ ​គិតតែ​ពី​រឿង​ផលប្រយោជន៍លុយពី​ក្រុម​ឈ្មួញ​ដឹកជញ្ជូន​ឈើ​ខុសច្បាប់​ប៉ុណ្ណោះ​ ការដែល​មន្ត្រីដែនជំរកបរិស្ថានស្នាក់ប្រចាំ​ការនៅកែងភ្នំព្រេច ធ្វើ​អ្វីៗ​តាម​អំពើ​ចិត្ត គឺមាន​ការឃុប ឃិត​បើកដៃ​ពី​សំណាក់​លោក ភោគ សុជោត ប្រធានដែនជំរក បរិស្ថាន តំបន់ភ្នំព្រេច ។ ប្រភពពី​មន្ត្រី​អង្គការក្រៅរដ្ឋាភិបាល​ក្នុង​ខេត្តក្រចេះបាន​ឲ្យ​ដឹង​ទៀត ថា.! បច្ចុប្បន្ន​ឈ្មួញ​មួយចំនួន​បាន​កាប់​ឈើ​និង​ដឹកជញ្ជូន​ ឈើពីតំបន់ព្រៃអភិរក្ស ភ្នំព្រេច ព្រំប្រទល់ខេត្តមណ្ឌលគិរីយ៉ាង​រលូន​តាមរថយន្តកែឆ្នៃដោយមានការ​ឃុបឃិត​បើកដៃ​ពី​សំណាក់​មន្ត្រីដែនជំរកបរិស្ថានព្រៃឈើ​ ប្រចាំការនៅទីនោះដែល​គិតតែ​ពី​រឿង​ប្រមូល​លុយ​ដាក់ចូលហោប៉ៅដូច្នេះហើយ​ទើបឈ្មួញឈ្មោះចែធីអាចដឹកជញ្ជូនឈើពីតំបន់ព្រៃអភិរក្សភ្នំព្រេចឆ្លងកាត់ ស្រុកស្នួល យកទៅលក់នៅ ព្រំដែនកម្ពុជា វៀតណាមតាមប៉ុស្តិ៍ច្រកដេបីរៀងរាល់យប់ក្នុងទឹកដីស្រុកស្នួល ខេត្តក្រចេះ។ ចំណែកលោក មេប៉ុស្តិ៍នគរបាល ព្រំ ដែនដេបី ចាត់ទុក​បទល្មើស​ព្រៃឈើ​ជា​ឆ្នាំងបាយ និងជាប្រភពចំណូលរបស់ខ្លួន យ៉ាង​ពេញបន្ទុក​ ។ ប្រភព​បាន​ឲ្យ​ដឹង​ទៀតថា÷ ការដែល​ឈ្មួញ​ឈើឈ្មោះ ចែធី និងបក្សពួក បន្តសកម្មភាព​ដឹកជញ្ជូន​ឈើ​យ៉ាង​រលូន គឺមាន​ការបើក​ដៃ​ពី​សំណាក់​មន្ត្រីពាក់ព័ន្ធក្នុងស្រុក ដូចជាជំនាញរដ្ឋបាលព្រៃឈើស្រុកស្នួល ឲ្យឈ្មួញដឹកឈើចេញតាមអំពើចិត្តផងដែរ​។ […]