ថ្ងៃទី ១៩ខែតុលា ឆ្នាំ២០២៤
(ខេត្តត្បូងឃ្មុំ )÷ ប្រភពពីប្រជាពលរដ្ឋ រស់នៅភូមិត្រពាំងផ្លុងឃុំត្រពាំងផ្លុង
ស្រុក ពញាក្រែក ខេត្តត្បូងឃ្មុំ
បានឲ្យ សារព័ត៌មានដឹងថា ៖សព្វថ្ងៃនេះ ក្រុមឈ្មួញ មួយ ក្រុម បានដាក់ គ្រឿងចក្រ ក្នុងដីចំការមួយកន្លែង
នៅភូមិល្អក់ ឃុំក្រែក ស្រុកពញាក្រែក
កំពុងជីកកាយយក អាចម៌ដី ដែលមានជម្រៅខុសពីបទដ្ឋានបច្ចេកទេស ហើយរថយន្តដឹកអាចម៍ដីធំៗធ្វើឲ្យជ្រុះអាចម៌ដីពាស់ពេញផ្លូវមិនគ្របតង់ ឲ្យបានត្រឹមត្រូវនោះទេ។
បើគ្មានការបេីកដៃពីសំណាក់ លោក ប្រធាន មន្ទីររ៉ែ ថាមពលខេត្តរ្បូងឃ្មុំ
និង ប្រធានមន្ទីរ ឧតុនិយម ខេត្ត
ត្បូងឃ្មុំទេនោះ គឺឈ្មួញ មួយ ក្រុមមិនអាចដាក់គ្រឿងចក្រជីកកាយយក
អាចម៌ដីយកលក់លើទីផ្សារសេរី បានឡើយ ។
តាមការលេីកឡើង ពីប្រជាពលរដ្ឋ
ថា ឈ្មួញដែលដាក់គ្រឿងចក្រមាន
ឈ្មោះ ១.លោក វ៉ាន់ ២.លោក ថេត
៣.លោក ធឿន បច្ចុប្បន្នឈ្មួញកំពុងកាយយកអាចម៌ដីទៅលក់ នៅព្រំដែន
ត្រពាំងផ្លុង ហេតុ នេះហើយទើប ប្រជាពលរដ្ឋ ក្នុងមូល ដ្ឋាន ឃុំត្រពាំងផ្លុងតាមដងផ្លូវជាតិច្រើនគ្រូសារ ជំរុញឲ្យ ស្ថាប័នពាក់ព័ន្ធ មន្ត្រីជំនាញ ព្រមទាំង ប្រធានមន្ទីរបរិស្ថាន ខេត្តត្បូងឃ្មុំពិនិត្យឡេីងវិញខ្លះផង កុំឲ្យក្រុមឈ្មួញ ធ្វើអ្វីៗ តាមតែអំពើចិត្ត។
ប្រជាពលរដ្ឋ ស្ថិតនៅស្រុកពញាក្រែក
ខេត្តត្បូងឃ្មុំ បាន ឲ្យដឹងថា៖
ឈ្មួញដឹកដី នឹងបក្សពួក ជាច្រើន នាក់ កំពុង ដឹកជញ្ជូនអាចម៌ដីតាមរថយន្តបែនយកទៅលក់ធ្វេីឲ្យបងប្អូនប្រជាពលរដ្ឋ រស់នៅចំណុចភូមិសាស្ត្រនោះ មានការងឿងឆ្ងល់យ៉ាងខ្លាំង ហើយមន្ត្រីជំនាញ និងមន្ត្រីអាជ្ញាធរ ក្នុងមូលដ្ឋាន មិនចាត់វិវិធានការទប់ស្កាត់ទល់តែសោះ។
មជ្ឃដ្ឋាននានា ! និងពលរដ្ឋ ក្នុងភូមិ
ឃុំត្រពាំងផ្លុង
បានឲ្យដឹងទៀតថា៖ បើគ្មានការបេីកភ្លេីងខៀវ ពីមន្ត្រីពាក់ព័ន្ធក្នុងខេត្ត
ត្បូងឃ្មុំទេនោះ គឺឈ្មួញ មិនអាចជីកដីរណ្តៅយ៉ាង ជ្រៅៗ និងជ្រុះអាចម៍ដី រប៉ាត់រប៉ាយ លើផ្លូវសាធារណៈយ៉ាងសុខស្រួល រីឯអាជ្ញាធរពាក់ពន្ធ័មានសមត្ថកិច្ច ធ្វើមិនដឹងមិនឮឬសម្ងំស្ងាត់ឈឹង។
ប្រភពពីប្រជាពលរដ្ឋ រៀបរាប់បន្ថែមទៀតថា៖ យោងតាមច្បាប់អនុញ្ញាតឲ្យធ្វើអាជីវកម្ម ជីករណ្តៅដីគឺឈ្មួញអាចជីករណ្តៅដីត្រឹមជម្រៅ៥ម៉ែត្រទៅ៦ម៉ែត្រប៉ុណ្ណោះ មិនអាចលើសពីនេះបានឡើយ ប៉ុន្តែឈ្មួញអាចជីករណ្តៅដី នៅក្នុងភូមិល្អក់ ឃុំក្រែក
ស្រុកពញាក្រែក ខេត្ត ត្បូងឃ្មុំ បាន
យ៉ាងសុខស្រួលបំផុត បែរជាអាជ្ញាធរថ្នាក់ឃុំ ថ្នាក់ស្រុករក្សាភាពស្ងៀមស្ងាត់។
លើសនេះទៅទៀតឈ្មួញ បានប្រើប្រាស់រថយន្តធំៗដឹកអាចម៌ដីពាស់ពេញផ្លូវមិនគ្របតង់ ឲ្យបានត្រឹមត្រូវ ធ្វើឲ្យធ្លាក់អាចម៌ ដីរាយ
ប៉ាយក្លាយទៅជាធូលីហ៊ុយសំពោងប៉ះពាល់ ដល់ការ រស់នៅរបស់ប្រជាពលរដ្ឋក្នុងមូលដ្ឋាន យ៉ាងពេញបន្ទុក។
ប្រជាពលរដ្ឋ អំពាវនាវដល់ថ្នាក់ដឹកនាំខេត្តត្បូងឃ្មុំជាពិសេសឯក ឧត្តម
ប៉ែន កុសល្យ អភិបាលខេត្តត្បូងឃ្មុំ ពិនិត្យ ឡើងវិញជាបន្ទាន់ ចំពោះ ក្រុម ឈ្មួញហ៊ានដាក់គ្រឿងចក្រ ជីកយក
អាចម៌ដីរណ្តៅជ្រៅដឹកជញ្ជូនយកដីទៅលក់យ៉ាងគគ្រឹកគគ្រេង ក្នុងមួយថ្ងៃៗ មិនខ្វល់ពីការរិះគន់ឡើយ៕មានតពី វណ្ណ មឿន
