(ខេត្តក្រចេះ)÷មន្ត្រីអង្គការក្រៅរដ្ឋាភិបាល និងសកម្មជនព្រៃឈើក្នុងខេត្តក្រចេះ បានឲ្យដឹងថា លោក
វ៉ា ថន អភិបាលខេត្តក្រចេះក្នុងការបង្ក្រាប និងទប់ស្កាត់បទល្មើសព្រៃឈើកំពុងក្លាយទៅជារឿងឥតន័យ
ពីព្រោះលោកដួង ឆាយសាវុត
ប្រធានមន្ទីរបរិស្ថាន ខេត្តក្រចេះមិន
ចាត់វិធានការបង្ក្រាបក្រុមឈ្មួញដឹក
ជញ្ជូនឈើទាំងនោះឡើយ។
ប្រភពពីមន្ត្រីរាជការក្នុងមន្ទីរបរិស្ថាន
ខេត្តក្រចេះមួយចំនួនបានឲ្យដឹងថា÷ មន្ត្រីដែនជំរកបរិស្ថានក្នុងតំបន់ព្រៃឡង់ក្នុងខេត្តក្រចេះ គិតតែពីរឿងផលប្រយោជន៍លុយពីក្រុមឈ្មួញដឹកជញ្ជូនឈើខុសច្បាប់ប៉ុណ្ណោះ ការដែលមន្ត្រីដែនជំរកបរិស្ថានព្រៃឡង់ប្រចាំនៅកំពោតគយធ្វើអ្វីៗ
តាមអំពើចិត្ត គឺមានការឃុបឃិតបើកដៃពីសំណាក់ លោក
សាំង សុខុន ប្រធានដែនជំរកបរិស្ថាន
តំបន់ព្រៃឡង់ ។
ប្រភពពីមន្ត្រីអង្គការក្រៅរដ្ឋាភិបាលក្នុងខេត្តក្រចេះបានឲ្យដឹងទៀត ថា បច្ចុប្បន្នឈ្មួញមួយចំនួនបានកាប់ឈើនិងដឹកជញ្ជូន ឈើពីតំបន់ព្រៃអភិរក្សព្រៃឡង់ព្រំប្រទល់ខេត្តស្ទឹងត្រែង ខេត្តព្រះវិហារ និងខេត្តកំ
ពង់ធំយ៉ាងរលូនព្រោះមានការឃុបឃិតបើកដៃពីសំណាក់មន្ត្រីដែន
ជំរកបរិស្ថានព្រៃឈើ ប្រចាំការនៅទីនោះដែលគិតតែពីរឿងប្រមូលលុយដាក់ចូលហោប៉ៅដូច្នេះហើយទើបឈ្មួញឈ្មោះរិតអាចដឹកជញ្ជូនឈើពីតំបន់អភិរក្សព្រៃឡង់ឆ្លងកាត់មកដល់ភូមិបឹងចារឃុំបឹងចារ ស្រុកសំបូរខេត្តក្រចេះ។
ចំណែកលោកសាំង សុខុនប្រធាន
ដែនជំរកបរិស្ថានព្រៃឡង់ចាត់ទុកបទល្មើសព្រៃឈើជាឆ្នាំងបាយ និងជាប្រភពចំណូលរបស់ខ្លួន យ៉ាងពេញបន្ទុក ។
ប្រភពបានឲ្យដឹងទៀតថា÷ ការដែលមន្ត្រីដែនជំរកបរិស្ថានព្រៃឡង់
ហ៊ានឃុបឃិតឲ្យឈ្មួញឈ្មោះ រិតនិងបក្សពួក បន្តសកម្មភាពដឹកជញ្ជូនឈើយ៉ាងរលូន គឺមានការបើកដៃពីសំណាក់លោកសាំងសុខុនប្រធានដែនជំរកបរិស្ថានព្រៃឡង់ឲ្យឈ្មួញដឹកឈើចេញតាមអំពើចិត្តផងដែរ។
ដូច្នេះលោកវ៉ា ថន អភិបាលខេត្តក្រចេះ ក៏ដូចជាថ្នាក់ដឹកនាំក្រសួង
បរិស្ថានមិនគួរមើលរំលងភាពអសកម្ម របស់ប្រធានមន្ទីរបរិស្ថាន
ខេត្តក្រចេះនោះទេ៕
