ថ្ងៃទី១១ខែតុលាឆ្នាំ២០២៤ (ខេត្តព្រៃវែង )÷ តាមប្រភពពីក្រុមឈ្មួញ និងអាជីវករព្រមទាំង ប្រជាពលរដ្ឋ ដែលដឹកជញ្ជូនស្រូវទៅលក់ឲ្យឈ្មួញយួន តាមច្រកទ្វារអន្តរជាតិបន្ទាយចក្រី ស្រុកព្រះស្តេច បានឲ្យដឹងថា ទល់តែបង់លុយ ទៅឲ្យសមត្ថកិច្ចពាក់ព័ន្ធច្រកនេះ ទេីបអ្វីៗ ប្រព្រឹត្តទៅយ៉ាងរលូន ។ រីឯខាងភាគីយួនបានតម្រូវឲ្យឈ្មួញ អាជីវករនិងពលរដ្ឋខ្មែរ ដឹកជញ្ជូនស្រូវឡើងស្ពានទៅទម្លាក់ស្រូវលក់នៅទឹកដីយួន តាមព្រំដែនដែលធ្វើឲ្យ ខាតពេលវេលាយ៉ាងច្រើន ហើយត្រូវបង់លុយ សម្រាប់ខាងសមត្ថកិច្ចភាគីខ្មែរទៀតផង។ ប្រភពពីក្រុមឈ្មួញ ដឹកជញ្ជួនស្រូវយកទៅលក់ឲ្យឈ្មួញវៀតណាម បានឲ្យដឹងទៀតថា ឈ្មួញខែ្មរចំណាយក្នុងមួយជេីងៗ អស់ចាប់ពី៣០០០០០រៀល ទៅ ៣៥០០០រៀល ទៅលេីសមត្ថកិច្ចពាក់ព័ន្ធច្រកនេះផងដែរ។ បញ្ហាដែលលោក មេប៉ុស្តិ៍ច្រកទ្វារអន្តរជាតិព្រំដែនបន្ទាយចក្រីហ៊ានធ្វើអ្វីៗតាមអំពេីចិត្ត ប្រហែលជាអាងខ្នងបង្អែករឹងមាំនៅស្នងការដ្ឋាននគរបាលខេត្តព្រៃវែង ចាំជួយបិទបាំងរឿងអាស្រូវពុករលួយ ទេីបរក្សាតំណែងរហូតដល់បច្ចុប្បន្ន។ ថ្មីៗនេះក្រុមឈ្មួញ អាជីវករនិងប្រជាពលរដ្ឋ ដែលដឹកជញ្ជូនស្រូវទៅលក់ ឲ្យឈ្មួញយួនតាមច្រកទ្វារអន្តរជាតិបន្ទាយចក្រី ស្រុកព្រះស្តេច ខេត្តព្រៃវែង បានអំពាវនាវឲ្យ លោក សួន ម៉ាលីន អភិបាលខេត្តព្រៃវែង ចាត់វិធានការទប់ស្កាត់អំពើពុករលួយ របស់មន្ត្រីគយនិងសមត្ថកិច្ចពាក់ព័ន្ធនៅច្រកនេះជាបន្ទាន់។ ទន្ទឹមនឹងនេះក៏មានសេចក្តីអំពាវនាវឲ្យក្រសួងនិងស្ថាប័នពាក់ព័ន្ធពិនិត្យឡើងវិញជាបន្ទាន់ផងដែរ ព្រោះការនាំចេញផលិតផលកសិកម្មទៅលក់នៅក្រៅប្រទេស មិនតម្រូវឲ្យមានការបង់លុយឡើយ។ ប្រភពពីក្រុមឈ្មួញ និងអាជីវករ ព្រមទាំង ប្រជាពលរដ្ឋ […]
