ថ្ងៃទី២២ខែមេសាឆ្នាំ២០២៤
{ខេត្តមណ្ឌលគិរី}÷
ប្រភពពីសកម្មជនព្រៃឈើនិងមន្ត្រីអង្គការក្រៅរដ្ឋាភិបាលក្នុងខេត្ត បានឲ្យដឹងថា÷ បច្ចុប្បន្នព្រៃឈើដែលនៅសេសសល់តំបន់ព្រៃអភិរក្សកែវសីមា
កំពុងរងការបំផ្លាញយ៉ាងពេញបន្ទុក។ ប្រភពពីមន្ត្រីអាជ្ញាធរមូលដ្ឋាននិងសមត្ថកិច្ចក្នុងស្រុកកែវសីមាបានឲ្យដឹងថា
ឈ្មួញ នៅតែបន្តសកម្មភាពកាប់ឈើ
ដើម្បីអារច្រៀក ហើយដឹកជញ្ជូនចេញយ៉ាងរលូន។ មួយរយៈចុងក្រោយនេះ បង្កើនសកម្មភាពដឹកជញ្ជូនឈើចេញពីចំណុចព្រៃអភិរក្សកែវសីមា
ចូលមកភូមិ អូររាំង ស្រុកអូររាំង ខេត្ត
មណ្ឌលគិរីដោយគ្មានមន្ត្រីជំនាញនិង
សមត្ថកិច្ចណាហ៊ាន ប៉ះពាល់ឡើយ
រយៈពេលជាង ប្រាំពីថ្ងៃចាប់ពីថ្ងៃ ១៦
ខែមេសា ឆ្នាំ២០២៤ ឈ្មួញ សម្រុកដឹកជញ្ជូនឈើចេញពីតំបន់ព្រៃអភិរក្សកែវសីមាតាមរថយន្តសាំយ៉ុង
ក្នុងមួយយប់ៗពី១០ទៅ១២គ្រឿង។
ប្រភពបានបន្តឲ្យដឹងថា÷ឈ្មួញឈើដឹកជញ្ជូនចេញយ៉ាងពេញបន្ទុក ឈើទាំងនោះត្រូវបានគេបំពានកាប់ក្នុងតំបន់ព្រៃការពារ ព្រៃអភិរក្ស នៅព្រៃ
កែវសីមា ហើយដឹកជញ្ជូនចូលទៅ
ស្រុកកែវសីមារៀបរយចូលទីផ្សារវៀត
ណាមនិងឡានឈើសាំយ៉ុងខ្លះទៀត
យកទៅ ចែកចាយតាមខេត្ត ផ្សេងៗ
ដូចជាត្បូងឃ្មុំលក់ឲ្យឈ្មួញនៅកណ្តោ
លជ្រុំនិងទីតាំងផ្សេងទៀតក្រោយ
ពេលអារច្រៀករួចធ្វើសកម្មភាពដឹក ជញ្ជូនចេញយ៉ាងរលូន ដោយមាន ការឃុបឃិតបើក ដៃពីសំណាក់ មន្ត្រី រដ្ឋបាលព្រៃឈើ និងសមត្ថកិច្ចពាក់ព័ន្ធច្រើនស្ថាប័នដែលគិតតែរឿងប្រមូលលុយចែកគ្នាធ្វើមានធ្វើបាន ជាក់ស្តែងមន្ត្រីបរិស្ថានប្រចាំនៅស្រុកកែវសីមា។
ប្រជាពលរដ្ឋក្ក្នុងស្រុកកែវសីមា ខេត្ត
មណ្ឌលគិរី បានរិះគន់ថា ÷ ប្រធានមន្ទីរ បរិស្ថាន ខេត្ត មណ្ឌលគិរី មិនចាត់វិធានការទប់ស្កាត់បទល្មើសបំផ្លាញព្រៃឈើដែលកំពុងកើតឡើងយ៉ាង រាលដាលនៅ ក្នុង ព្រៃអភិរក្សកែវសីមានោះទេ ព្រៃអភិរក្សកែវសីមាជៀសមិនផុតពីសេចក្ដីវិនាសសាប
សូន្យឡើយ។
ប្រជាពលរដ្ឋនិងមន្ត្រីអង្គការក្រៅរដ្ឋាភិបាល បានអំពាវនាវឲ្យឯកឧត្តម
បណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន ចាត់វិធាន ការ ទប់
ស្កាត់បទល្មើសបំផ្លាញព្រៃឈើ ក្នុងស្រុកកែវសីមា ជាបន្ទាន់ ព្រោះ ព្រៃអភិរក្ស កែវសីមា កំពុងរងការបំផ្លាញ
យ៉ាងរាលដាល៕
